Esta guía explica para que serven e como funcionan cada unha das seccións de Mellora Sarria.
Na sección de debates cidadáns podes expoñer e compartir a túa opinión con outras persoas sobre temas que che preocupan relacionados co municipio. Tamén é un espazo onde xerar ideas que a través das outras secciones de Mellora Sarria leven a actuacións concretas por parte do Concello.
Na sección propostas cidadás podes formular propostas para que o Concello as leve a cabo. As propostas obteñen apoios e se alcanzan abondos sométense a votación cidadá. As propostas aprobadas nestas votacións cidadás son asumidas polo Concello e lévanse a cabo.
A sección de orzamentos participativos serve para que a xente decida de maneira directa a que se destina unha parte do orzamento municipal.
A sección de votacións actívase cada vez que unha proposta acada o 1% dos apoios e pasa á votación ou cando o Concello propón un tema para que a xente decida sobre el.
Na sección procesos, a cidadanía participa na redacción e modificación da normativa que afecta á cidade, e pode dar a súa opinión sobre as políticas municipais en debates previos.